Çfarë Feronikeli, e ‘bombardon” kundërshtarin në minutat e fundit
Feronikeli ka marrë rezultat pozitiv në ndeshjen e parë të rundit të parë kualifikues të Ligës së Kampionëve.
Kampionët e Kosovës barazuan me rezultat 2-2 kundër skuadrës uellasiane TNS.
Kundërshtarët krijuan epërsi të dyfishtë në pjesën e dytë.
Një penallti të shkaktuar nga kapiteni Lladrovci në gol e shëndrroi Draper në minutën e 49-të.
Rezultatin e dyfishoi Edwards në minutën e 77-të, ku fillimisht u shuan shpresat për skuadrën nga Drenasi.
Mevlan Zeka me një gol me kokë ngushtoi rezultatin dhe i dha zemër skuadrës një minut para fundit të kohës së rregullt.
Në minutën e tretë shtesë Nikeli nxori një penallti dhe Astrit Fazliu e riktheu në gol.
Ndeshja e kthimit luhet javën tjetër në stadiumin “Fadil Vokrri” në Prishtinë. /IndeksOnline/