Çfarë i ka ndodhur Samir Manes?! Qeveria, sindikata dhe punëtorët në Shqipëri i “fërkojnë kokën”, në Kosovë i “thyejnë turinjtë”?

“Balfin” nuk është blerëse e “Newco Ferronikel” në Kosovë, “lavatriçexhiu” është sekser dhe drejtor

Një lajm i para një jave, që ka mbërritur në stafin e ngushtë “familjar” të kompanisë së Samir Manes “Balfin Group”, ka njoftuar se “bosi” i tyre (Samir Mane) ishte dëmtuar fizikisht, nga disa drejtues sindikate, metalurgë të fabrikës së “Newco Ferronikeli” në Drenas të Prishtinës dhe banorë të zonës, të dëshpëruar prej mos-marrjes së pagave, kushteve mizerje të punës, humbjes së vendeve të punës dhe gazrave, që po helmojnë zonën e për të cilat janë bërë shumë protesta.

Po pse ndodhej Samir Mane në Drenas?

A ka ndodhur vërtetë një sulm fizik ndaj tij, me dëmtime në fyt e gjoks dhe nëse po, përse?

Referuar një njoftimi të “gëzuar”, të bërë nga kompania “Balfin Group” në faqen e saj në “FB”, rezulton se Samir Mane ka qenë disa herë në Drenas e po kështu para 10 ditësh, duke u thënë punëtorëve dhe gjithë miletit në Shqipëri, se gjoja kishte shkuar për të blerë 90% të koncesionit të kësaj fabrike, me 820 punonjës, të cilët përveç vonesës së pagave, janë edhe përballë mbylljes së fabrikës e pikërisht ky pazar e ka çuar “skuthin” Samir Mane atje.

Vajtja e tij atje, ka qenë ka qenë në filim të muajit qershor 2018, si sekser i një firme me qendër në Londër, blerëse e krejt koncesionit “Newco Ferronikeli”, mbasi miku dhe ekuivalenti në zullume i Samir Manes, pronari i falimentuar izraelito-grek i firmës “Cunico Resources”, që ka fabrikën ”Newco Ferronikeli” në Drenas, kishte hyrë në tratativa me Samir Manen, për të shlyer disa paga.

“Bamirësi lavatriçexhi” Mane, u “fali” pagat e muajit prill (sipas njoftimit të firmës “Cunico Resources”), që të “qetësosheshin” punëtorët dhe sindikata, siç veproi dhe me koncesionin e kromit “ACR” në Bulqizë, që pasi futi qeverinë “Berisha” ta falimentonte, e bleu për “5 lekë”, apo siç ka vepruar me truallin e TEG, me 30 kilometër gjatësi sipërfaqet e rërës në Durrës, Golem, Lalz, Himarë e Dhërmi, ku nuk e ka penguar askush, madje për tokën e resortit në Palasë, u përdor policia e shtetit, për t’i mbrojtur pasuritë e grabitura.

Mirëpo, nëse në Shqipëri, qeveria, banda PD-PS-LSI, Bashkia e Bulqizës dhe sindikata e minatorëve me në krye dy “oturakët” e Samir Manes, langaraqët Gëzim Kalaja e Kol Nikollaj, i qëndrojnë “lavatriçexhiut” Samir Mane “gatitu” e i “fërkojnë kokën” edhe kur vriten minatorë, ndryshe ndodhi me banorët, sindikatën dhe punëtorët e fabrikës “Newco Ferronikeli” në Drenas të Kosovës, të cilët nuk i “hëngrën” mashtrimet lajkatuese të tij, për “kushte pune e paga luksi”, siç premtoi në Bulqizë, por e kanë cilësuan mafioz dhe vegël të koncesionarit të falimentuar izraelito-grek “Cunico Resources”, duke iu vërsulur fizikisht…

Pas këtij sulmi, Samir Mane nuk është parë më as në qytezën Drenas dhe as në fabrikën”Newco Ferronikeli”, ndërkohë që pavarësisht se hiqet si blerës i 90% të aksioneve të kësaj fabrike, “laavtriçexhiu” Samir Mane është thjeshtë një sekser-drejtor prodhimi, gjë që e vërteton njoftimi zyrtar i Autoritetit Kosovar të Konkurrencës (datë 23 korrik 2018), që konfirmon se blerësi i 100% të aksioneve të Fabrikës “Newco Ferronikeli” është kompania “NKL Limitet”, me qendër në Londër. – (Vijon) -/Pamfleti