De Biazi një arbëresh? Ja si përgjigjet ish-trajneri i Shqipërisë

Ish-tekniku i Kombëtares, Xhani De Biazi, ishte i ftuar sot në emisionin “Soiree” në Top Channel.

Gjatë një bisede me gazetarin Marin Mema, ku teksa flitej për patriotizmin dhe atdhedashurinë, në Ditën e Pavarësisës, ky i fundit zbuloi një detaj mjaft interesant nga jeta e De Biazit.

Marin Mema tregoi për publikun se rreth 44 kilometra larg Peskarës, në Italinë Qëndrore, ka gjetur arbëreshë me mbiemrin De Biazi.

Këtë fakt, ish-trajneri nuk e ka mohuar, por e ka lënë çështje të hapur pasi ai vetë personalisht nuk ka informacion. Nëse këto fakte janë të vërteta, atëherë kjo shpjegon edhe arsyen pse De Biazit nuk i ndahet shpirti nga… Kombëtarja.