De Laurentiis: Një Europian, në vend të Champions League
Një propozim i çuditshëm vjen nga presidenti i Napolit, De Laurentiis.
“Ta zhdukim Champions League për të krijuar një kampionat europian me 20 skuadrat më të mira”, shprehet shefi i “të kaltërve” nga jugu i Italisë, nënkampionë të këtij sezoni në Serie A.
Presidenti i Napolit do të donte një kampionat me ndeshje vajtje-ardhje që do të mund të luheshin të mërkurave dhe të enjteve, gjë që në total do të nënkuptonte 38 ndeshje, të cilave do t’iu shtoheshin edhe 38 javët e kampionatit.
Me këto përllogaritje, një skuadre pretendente do t’i duhej të zhvillonte 76 ndeshje në sezon, një target thuajse i pamundur. Kësisoj, edhe fatet e Champions League nuk janë aspak të rrezikuara.