Deda: Në këtë përplasje sovranitetesh, Kosova fitoi
Deputeti i Alternativës, Ilir Deda ka reaguar pas arrestimit të Marko Gjuriqit sot në Mitrovicë të Veriut.
Ai përmes një statusi në facebook ka thënë se arrestimi i tij ka qenë i qëlluar dhe se Serbia nuk mund të vijë në Kosovë e të provokojë, shkruan Indeksonline.
Deda po ashtu tha se në përplasje sovranitetesh, Kosova fitoi.
Ky është postimi i plotë:
Shteti i Kosovës sot tregoi që nuk lejon të nëpërkëmbet nga ata që ishin bashkë në qeverisjen e Millosheviqit.
Arrestimi i Marko Gjuriqit është veprim i qëlluar, dhe duhet t’i tregojë Serbisë që nuk munden më eksponentë të Qeverisë së Beogradit të vijnë e provokojnë në Kosovë. Ajo kohë ka perënduar një herë e përgjithmonë me 1999.
Në këtë përplasje sovranitetesh sot, Kosova fitoi. Por, nuk guxojmë të biem pre e euforisë. Tash duhet me shumë mençuri të bëhet çdo hap i radhës.