Detaje të reja për djegien e “BMW”-së te rruga “C”
Një veturë e tipit “BMW” pas mesnatës ka marrë flakë në Prishtinë, saktësisht në rrugën “Bedri Berisha”.
IndeksOnline mëson nga burimet se kjo ka qenë zjarrëvënie e qëllimshme.
Po ashtu, IndeksOnline ka siguruar një video nga vendi i ngjarjes.
Ndërkohë, Policia e Kosovës, ka dalë edhe sot në vendin e ngjarjes për t’u marrë me rastin.
Lajmin e kanë konfirmuar edhe nga PK-ja për IndeksOnlinen.
“Sot rreth orës 01:00, policia ka marrë informatën se në rrugën “Bedri Berisha” në Prishtinë, është duke u djegur një veturë e tipit BMW.
Menjëherë pas marrjes së informatës, njësitet e nevojshme policore, të përkrahur edhe nga zjarrfikësit kanë dalë në vendin e ngjarjes.
Zjarri është lokalizuar, janë shkaktuar vetëm dëme materiale.
Aktualisht hetuesit policor po vazhdojnë me ndërmarrjen e të gjitha veprimeve të nevojshme hetimore me qëllim të ndriçimit dhe sqarimit të të gjitha rrethanave që kanë të bëjnë me rastin”, thuhet në përgjigjen e tyre./IndeksOnline/