Dreshaj kujton kontributin gjerman ndër vite, investimet dhe përkrahjen politike
Gjermania ka qenë dhe do të jetë shteti më mik i Kosovës ndër vite. Kështu e përshkruan kontributin gjerman ndër vite deputeti kosovar.
Për të kujtuar ndihmat gjermane, Dreshaj kujton kohën kur me përkrahjen gjermane hapi përfaqësinë e markës së famshme të pijeve gjermane, Sinalco, fabrikën e drurit si dhe sjelljen në Kosovë të Rowes, gjigantit të prodhimit të vajërave motorike gjermane.
Pikërisht hapja e këtyre fabrikave ka bërë që në komunën e Istogut të punësohem shumë të ri e të reja duke ndikuar sadopak në uljen e numrit të papunësisë.
Në hapjen e këtyre bizneseve, Dreshaj pati nderin që të ketë mysafir të veçantë, si ish komandanti i KFOR-it, Erhard Buhler dhe ish ambasadori gjerman, Ernst Reichel.
“Gjermania ka qenë mik i Kosovës dhe shqiptarëve ndër vite. Kemi shumë gjëra që mund t’i kujtojmë nga populli gjerman. Kemi patur fatin që të kemi një mik shpirtëror siç është Gjermania. Mendoj se orientimi i politikës kosovare përherë duhet të ketë orientimin tek Berlini zyrtar” ka thënë Gani Dreshaj.
Se Gjermania po e përkrah Kosovën, deputeti kosovar e arsyeton edhe me një vendim të fundit nga po ky shtet mik.
“Kampi i KFOR-it gjerman po shëndrrohet në Park Inovativ. Si dëshmi e kujdesit të vazhdueshëm të Gjermanisë për popullin tonë, rreth 2 milionë euro pajisje dhe teknologji të Bundesëehr-it i janë dhuruar Kosovës. Flamuri gjerman, është një bazë e fortë e miqësisë Kosovë-Gjermani” ka thënë Gani Dreshaj.