Drita kërka hiç, Flamurtari është bajraktari
Drita është mposhtur në shtëpi nga Llapi me rezultat 1-2.
Kampionët në fuqi nuk po arrijnë të gjejnë formën e vitit të kaluar.
Llapjanët kaluan në epërsi në minutën e 10-të me golin e Hajdarit, shkruan indeksonline.
Gjilanasit barazuan në minutën e 37-të me golin e Bujar Shabanit.
Por Llapi u rikthye në avantazh me golin e Festim Alidemaj për rezultatin përfundimtar 1-2.
Në ndeshjen tjetër, Flamurtari po vazhdon me formën shumë të mirë në këtë fillim të kampionatit.
Skuadra nga kryeqyteti ka mposhtur Lirinë me rezultat 3-1.
Në dy ndeshjet tjera, Feronikeli ka fituar si mysafir i Ferizajit me rezultat 0-2 ndërsa Trepça ’89 ka fituar si mysafir i KEK-ut me rezultat 1-5. /IndeksOnline/