15:53 / E Martë, 11 Dhjetor 2018

Duka nuk dorëzohet, kandidon sërish për KE të UEFA-s

Presidenti i Federatës Shqiptare të Futbollit, Armando Duka do të kandidojë sërish për Anëtar të Komitetit Ekzekutiv të UEFA-s.

Duka kandidoi edhe herën e kaluar për këtë post, megjithatë, ai nuk arriti t’i marrë votat e mjaftueshme.

Kështu, shefi i FSHF-s shpreson që në Kongresin e 43-të të UEFA-s të marrë më shumë mbështetje, transmeton IndeksOnline.

“Miqtë e mi! Do të jem një nga kandidatët për Anëtar të Komitetit Ekzekutiv të UEFA-s”.

”Shpresoj që në Kongresin e 43-të që do të mbahet në Romë në 7 shkurt 2019, të ketë sa më shumë federata mbështetëse”.

”Kandidoj me dëshirën për të përfaqësuar futbollin shqiptar dhe interesat e federatave të vogla në organin më të lartë të futbollit Evropian”, ka shkruar Duka në Facebook./IndeksOnline/