Dy persona vërejnë policinë në kufi, lanë çantën me 28 kg drogë e ikin për Shqipëri

Një njësit policor gjatë ditës së djeshme ka vërejtur dy të dyshuar duke hyrë nga territori i Shqipërisë në drejtim të Kosovës, të cilët kishin nga një çantë në krahë me përmasa të mëdha.

Sipas raportit policor të dyshuarit pasi kanë vërejtur policët kanë lënë çantat në kufi në Vërmicë, në të cilat ishin 50 paketime me substanca të dyshuara narkotike lloji marihuanë, shkruan IndeksOnline.

“Fsh. Vërmicë 26.11.2020-18:30. Njësiti policor gjatë vëzhgimit ka vërejtur dy të dyshuar, duke hyrë nga territori i Shqipërisë në drejtim të Kosovës të cilët kishin nga një çantë në krahë me përmasa të mëdha. Dy të dyshuarit pasi i kanë vërejtur policët kanë lëshuar çantat në tokë dhe kanë ikur në drejtim të Shqipërisë. Në vendin e ngjarjes kanë dalë Njësiti  antidrogë i DHTN – Prizren i cili ka gjetur dhe konfiskuar dy  çanta ku kishte 50 paketime me substancë të dyshuar narkotike, lloji marihuanë me peshë totale prej  28 kilogramë e 686.8 gramë. Lidhur me rastin është njoftuar prokurori”, thuhet në raport./IndeksOnline/

foto ilustrim