Erdogani, personalisht ia kthen letrën Trumpit
Presidenti turk Recep Tayyip Erdogan personalisht i ktheu një letër Donald Trumpit, të cilën ky ia kishte dërguar kohë më parë, duke i thënë atij që “të mos bëhet budalla”.
Udhëheqësi turk e zbuloi këtë në një konferencë të përbashkët me Trumpin në Uashington. Erdogani pranoi se ishte zemëruar nga letra.
Ndër të tjera, presidenti turk u befasua që Shtetet e Bashkuara bashkëpunuan me komandantin kurd Mazlum Kobani, të cilin Trumpi e përmendi në letër. Erdogani e quajti Kobanin një terrorist dhe tha se ai ishte përgjegjës për vdekjen e qindra qytetarëve turq.
Trumpi i dërgoi një letër Erdoganit më 16 tetor, ditën kur filloi operacioni ushtarak i Turqisë në Siri. Në letër, ai i bëri thirrje homologut të tij turk “të mos bëhet budalla” dhe të mos e tradhtojë pjesën tjetër të botës.
Më vonë u raportua se Erdogani e injoroi letrën e Trumpit dhe e hodhi në koshin e hedhurinave.