Eroll Salihu flet për gjendjen e Rashicës, tregon a do të luajë kundër Çekisë dhe Anglisë

Eroll Salihu, sekretar i FFK-së, ka folur në emisionin “2 me 1” rreth gjendjes së Milot Rashicës, i lënduar te skuadra e Werder Bremen.

Ai deklaroi se ka shpresa që Rashica të jetë gati për ndeshjet e radhës ndaj Republikës Çeke dhe Anglisë.

“Me Milotin sot kemi pasur kontakte. Ai ka një lëndim”, deklaroi Salihu.

“Por presim që të jetë i gatshëm, ai është shumë i fortë nga natyra”.

“Presim që ai të jetë pjesë e ekipit megjithatë”, shtoi Salihu.

Sot klubi i Werder Bremenit doli me një komunikatë ku sqaroi se Rashica ka pësuar një lëndim në kofshë, derisa diagnoza e saktë do të dihet brenda ditëve të ardhshme.