Flet Lekaj pas shembjes së dheut në punimet e autostradës Prishtinë-Shkup

Mbrëmë rreth orës 22:30 për shkak të punimeve që kanë qenë duke u zhvilluar në austradën mes Prishtinës e Shkupit ka ndodhur një shembje e dheut.

Ministri i Infrastrukturës, Pal Lekaj me të marrë informatat e para për rastin e rrëshqitjes së dheut në Kovaçec të Kaçanikut i ka vizituar personalisht për ta parë nga afër situatën, thuhet në njoftimin e dërguar për media.

“Sonte ka marrë informata shtesë për keqesimin e situatës dhe menjëherë ka reaguar duke biseduar personalisht me familjet që janë të rrezikuara nga ky fenomen. Ministri Lekaj pas bisedës telefonike me familjarët që janë të përfshira nga kjo situatë është dakorduar që ata të evakuohen nga aty për t’u vendosur tek të afërmit dhe shumë shpejt për të dhënë zgjidhje për situatën. Kjo do të ndodhë ditën e hënë ku do të konstatohet nëse kjo është si pasojë e punimeve në autostradën “Arbën Xhaferi” apo është diçka tjetër”, thuhet më tej në komunikatën për media./AktivPress