Forcat speciale amerikane bastisin një anije, ishte pa flamur (Pamje)

Departamenti Amerikan i Mbrojtjes njoftoi se forcat e tij kryen një bastisje gjatë natës dhe sekuestrimin e anijes M/T Tiffany në rajonin Indo-Paqësor, dhe sipas një deklarate zyrtare, gjithçka shkoi pa incidente.

Ky veprim e bën të qartë se Uashingtoni po e shtrëngon kontrollin mbi korridoret detare, duke synuar anijet që, pavarësisht sanksioneve ndërkombëtare, shërbejnë si mbështetje kyçe logjistike për Iranin.

Overnight, U.S. forces conducted a right-of-visit, maritime interdiction and boarding of the stateless sanctioned M/T Tifani without incident in the INDOPACOM area of responsibility.⁰⁰As we have made clear, we will pursue global maritime enforcement efforts to disrupt illicit… pic.twitter.com/EGwDe3dBI3

— Department of War 🇺🇸 (@DeptofWar) April 21, 2026

Departamenti Amerikan i Mbrojtjes e përshkruan M/T Tifani si një “anije pa shtetësi”, që në ligjin detar do të thotë se ajo nuk mban flamurin e asnjë vendi të njohur ose regjistrimi i saj është i pavlefshëm.

Pikërisht anije të tilla përdoren shpesh nga Irani dhe bashkëpunëtorët e tij në “flotën në hije” për të shmangur radarin e rregullatorëve ndërkombëtarë dhe për të transportuar naftë ose pajisje ushtarake pa pengesa.

Forcat amerikane, pretendon Pentagoni, përdorën “të drejtën e vizitës”, e cila është një doktrinë ligjore ndërkombëtare që u lejon anijeve luftarake të ndalojnë dhe inspektojnë një anije në det të hapur nëse ekziston dyshim i arsyeshëm se ajo nuk ka përkatësi të qartë kombëtare ose është e angazhuar në aktivitete të paligjshme./Indeksonline/

U.S. Marines depart amphibious assault ship USS Tripoli (LHA 7) by helicopter and transit over the Arabian Sea to board and seize M/V Touska. The Marines rappelled onto the Iranian-flagged vessel, April 19, after guided-missile destroyer USS Spruance (DDG 111) disabled Touska’s… pic.twitter.com/mFxI5RzYCS

— U.S. Central Command (@CENTCOM) April 20, 2026