Gjashtë vite nga ndeshja historike e Kosovës
Marsi është në mendjen e të gjithë shqiptarëve dhe muaji që simbolizon shumë në kalendarin e çdo njeriu që zemra i rreh shqip.
Rezistenca e familjes Jashari me 5, 6 dhe 7 mars 1998 kundër serbeve e ka zgjuar ndërgjegjen e të gjithëve në luftën për liri.
Në vitin 1999, pikërisht në mars kanë filluar bombardimet e NATO-s mbi caqet serbe që i parapriu lirisë dhe largimit të ushtrisë barbare të Millosheviqit.
Edhe në historinë moderne, muaji i tretë i kalendarit do të mbahet mend për gjithë jetën, sidomos për futbolldashësit.
Me 5 mars 2016, Kosova do ta luante ndeshjen e parë historike nën organizimin e FIFA-së.
Edhe pse pa flamur dhe pa himn, Dardanët në “Adem Jashari” të Mitrovicës e pritën Haitin.
Ajo ditë me shi dhe me mbi 18000 tifozë të pranishëm do të shkruhet me shkronja të arta në historinë e futbollit, që i parapriu sukseseve të njëpasnjëshme të Kombëtares.
Rezultati ishte i barabartë, pa gola, por ajo ishte gjëja më e pa rëndësishme atë ditë, pasi Kosova theu një izolim të gjatë. /IndeksOnline/