”Goditje” për Liverpoolin: Dyshja e PSG-s starton nga fillimi
Sulmuesit e Paris Saint-Germain, Neymar Jr dhe Kylian Mbappe priten të startojnë ndaj Liverpoolit të mërkurën, njofton L’Equipe.
Të dy lojtarët pësuan lëndime në ndeshjet e Kombëtareve së fundmi, por tashmë janë rikuperuar me kohë.
Neymar pësoi lëndim në ijë, derisa Mbappe e lëndoi shpatullën e tij, transmeton IndeksOnline.
Gazeta e lartëcekur tani shkruan se dyshja do të startojë nga minuta e parë për kampionin e Ligue 1 në sistemin, 3-4-3.
Thomas Tuchel pritet t’i bëjë tri ndryshime në formacionin e tij, me të cilin herën e fundit barazoi me Napolin, 1-1.
Presnel Kimpembe, Edinson Cavani dhe Adrien RAbiot do t’i zëvendësojnë Thilo kehrer, Julian Draxler dhe Juan Bernat./IndeksOnline/