Google Chrome 82 nuk do të ofrojë mbështetje për FTP

Zhvilluesit e Google Chrome kanë publikuar dokumentin, i cili shpjegon se duke filluar nga versioni 82, shfletuesi nuk do të mbështesë lidhjet FTP.

Arsyeja për një gjë të tillë është se përdorimi i FTP-së në shfletues është tepër i ulët sa nuk ia vlen të investohet në përmirësimin e versionit aktual për klientët, transmeton KosovaPress. 

Sipas Google, ndërprerja e mbështetjes për FTP nuk do të jetë problem i rëndësishëm, pasi ekzistojnë më tepër klientë FTP, të cilët kanë qasje në të gjitha platformat që mund të preken nga ky vendim.

Aktualisht, të gjithë shfletuesit kryesorë e mbështesin FTP, por kur Google ndalon mbështetjen e saj, Opera, Brave dhe Vivaldi mund të humbasin aftësinë për t’u lidhur me këto adresa.

Firefox, Safari, Edge dhe Internet Explorer aktualisht mbështesin FTP, por është e panjohur që ata do të monitorojnë normat e Google dhe do të përfundojnë këtë mbështetje.

Edhe pse Google nuk do të ofrojë më mbështetjen për FTP, kjo nuk do t’i lërë përdoruesit në baltë. Kur një përdorues përpiqet të hyjë në një lidhje FTP, shfletuesi do të përpiqet të ekzekutojë një program të veçantë që përdoruesi ka instaluar e që është i aftë të mbështesë ftp: // URL. 

Google planifikon të minimizojë Chrome 78, 80, dhe në fund 82, dhe përfundimisht të përfundojë mbështetjen për FTP në periudhën e ardhshme.