Guardiola për De Bruyne: Le të vendos vet ai

Ofertat nuk i mungojnë, megjithatë De Bruyne kërkon kohë për të vendosur. Nga ana tjetër, trajneri Pep Guardiola shpreson që belgu të mos largohet. Tekniku i “The Citizens”, theksoi se për momentin në klub nuk ka mbërritur një ofertë konkrete për 33-vjeçarin.

“Klubi më ka siguruar që nuk ka asnjë ofertë për De Bruyne, të paktën për momentin. Unë nuk e di se çfarë do të ndodhë, por nuk dua që ai të largohet. De Bruyne është lojtari me më shumë vite në organikën e Cityt, është pak a shumë në situatën e David Silvës.

Ai ka të drejtën për të vendosur vetë për të ardhmen e tij. I ka dhuruar shumë këtij klubi, kështu që mund të bëjë çfarë të dojë. Ajo që unë di për momentin është se ai do të qëndrojë”, u shpreh Guardiola.