Haliti dhe Kurteshi përplasen në Kuvend për mëditjet: “A don me të qitë jashtë”

Nënkryetari i Kuvendit Xhavit Haliti dhe deputeti i Vetëvendosjes janë përplasur për mëditjet e deputetëve.

Haliti u ka thënë deputetëve se në orën 15:30 do të bëhet votimi i të gjitha ligjeve të cilat shqyrtohen deri atëherë, por do të penalizohen me heqjen e mëditjeve të gjithë ata deputetë që pa arsye nuk vijnë për të votuar.

“Dua t’iu paralajmëroj tani që në ora 15:30 është votimi i ligjeve që kemi shqyrtuar në lexim të parë. Kanë kohë të gjithë deputetë kudo që janë të vijnë. Të gjithë deputetët të cilët pa arsye nuk janë për të votuar autorizoj administratën e Kuvendit t’iu hiqen mëditjet. Nuk ka kërkuar parti, këtu ka Parlament, kush nuk është e ka mëditjen e hequr”, tha Haliti.

Por kjo nuk i pëlqeu deputetit të Vetëvendosjes, Sami Kurteshi, i cili i tha Halitit se kjo që po bënë nuk është në rregull. Madje, Haliti ia ndërpreu fjalën Kurteshit, deri ky i fundit u përplas pa mikrofon me Halitin.

Kurteshi dhe Haliti vazhduan diskutimin e ashpër edhe pa mikrofona, ndërsa në një moment, Haliti i drejtohet Kurteshit me fjalët ‘A don me të qit jashtë’?

“Pak më herët ju deklaruat se gjithë ata që nuk vijnë në orën 15:30 për votim kërkon që të marrin masa…Unë e kam deklaruar dhe i përmbahem asaj, jo, jo mos na trego të drejtat e njeriut, nuk kemi kohë të dëgjojmë përralla tuajat pash zoten, rri qaty…Kjo çka je duke bërë ti nuk është në rregull, nuk ke të drejtë…Kam të drejt…Sami shko ankohu…unë e interpretoj rregulloren jo t’i, rri qaty, rri”.

Seanca vazhdoj me shqyrtimin e pikave tjera, ani pse nuk po ka kuorum për të votuar në fund të shqyrtimit të secilit projektligj”.