“Haraçi i autostradës, në të ardhmen sigurisht do paguajmë edhe për Flamurin Kombëtar”
Analisti kosovar, Dastid Pallaska ka reaguar lidhur me vënien e taksës nga shteti shqiptar për kalimin nëpër autostradën e Shqipërisë.
Pallaska e sheh këtë si “haraç” të vendosur nga kryeministri, Edi Rama, për qëllime të fitimi personal, transmeton Indeksonline.
Pallaska ka shtuar gjithashtu se në të ardhmen e afër me siguri do të paguajmë edhe për përdorimin e Flamurit Kombëtar.
Ky është postimi i plotë:
“Haraçi” i Rrugës së Kombit synon me i zbut’ humbjet “buxhetore” që Kryeministri i Shqipërisë i ka pësuar nga rënia e përkohshme e “biznesit” të ish Ministrit të Brendshëm.
Në të ardhmen e afërt me siguri do të paguajmë edhe për përdorimin e Flamurit Kombëtar.
Pak është duke bërë qysh ju ka nënshtru pjesa ma e madhe e klasës tonë politike e – besa – edhe një pjesë e konsiderueshme e shoqërisë.
Të nënshtruarit me siguri janë duke shpresuar që së paku EUR 1 nga ky “haraç” do t’i dedikohet “idesë” patriotike për Presidentin Mbarëkombëtar!