Haradinaj: Kosova me Shtetet e Bashkuara të Amerikës, përjetësisht
Kryeministri i vendit Ramush Haradinaj ka bërë homazhe bashkë me Kongresmenin Amerikan, Eliot Engel, mëngjesin e sotëm.
Me këtë rast, Haradinaj ka theksuar se shqiptarët do të jenë gjithmonë mirënjohës për kontributin historik të tij për pavarësinë e Kosovës, transmeton Indeksonline.
Ky është postimi i plotë:
Lidhja jonë e posaçme me mikun tonë unik, Kongresistin Eliot Engel, është thesar i çmuar që do të mbetet në kujtesën e shumë brezave.
Shqiptarët do të jenë gjithmonë mirënjohës për kontributin e tij historik dhe të pazëvendësueshëm për lirinë dhe pavarësinë e Kosovës. Nuk do të harrojmë kurrë kohën dhe dashurinë e tij kushtuar çështjës së Kosovës!
Takimi me të më jep çdoherë shpresë, se vendi ynë është në rrugë të drejtë në përqafimin e vlerave të përbashkëta.
Kosova me Shtetet e Bashkuara të Amerikës, përjetësisht!
RH