Haradinaj në Londër, takon miqtë e mëdhenj të Kosovës

Kryeministri i Republikës, Ramush Haradinaj ka zhvilluar një takim me disa zyrtarë të lartë në Britani të Madhe. Përmes një postimi në “Facebook”, shefi i ekzekutivit kosovar ka thënë se gjithmonë do të jetë mirënjohës për veprën e tyre.

“Pata kënaqësinë t’i takoj Lord George Robertson, Gjeneralin Mike Jackson, Martin Vickers, John Grogan, Earl of Sandwich, Tim Judah, Ben Emmerson dhe Jon Mitchell. Miq të mëdhenj të Kosovës, të cilët na kanë qëndruar pranë në periudha të ndryshme në rrugën tonë për liri dhe shtetndërtim. Gjithmonë mirënjohës”, ka shkruar ai.