Haradinaj në Vlorë: Shqiptarët e dinë më së miri sa e shtrenjtë është liria

Kryeministri i Kosovës, Ramush Haradinaj po qëndron për vizitë në Vlorë, ku është pritur nga i pari i komunës.

Në një postim në Facebook, Haradinaj ka njoftuar se ka vizituar siç ka thënë ai, baballarët e kombit, transmeton Indeksonline.

Më poshtë postimi i Haradinajt:

Vizitë reflektuese tek baballarët e kombit, aty ku historia e shtetit u vulos me pavarësinë e saj dhe valimin e flamurit.

Monumenti i Pavarësisë në Vlorë është rruga jonë historike dhe memorie se kush jemi.

Sot, nderojmë dhe kujtojmë me admirim guximin e Ismail Qemalit dhe Isa Boletinit, figurave të mëdha të Shqipërisë dhe çdo shqiptari tjetër, që punuan të pa tunduar nga koha, që sot flamuri kuq e zi dhe kjo tokë ta kenë një emër, të lirë e të pavarur.

Shqiptarët e dinë më së miri se sa e shtrenjtë është liria dhe sa me mund është ruajtur çdo copë tokë!