Haradinaj përgëzon Boris Johnsonin për fitoren, në zgjedhjet parlamentare
Kryeministri në detyrë, Ramush Haradinaj, ka uruar kryetarin e Partisë Konsveratore, Boris Johnson, për fitoren në zgjedhjet parlamentare në Britani të Madhe.
Haradinaj ka vlerësuar lidhjet e mira që Kosova ka me këtë shtet, duke shtuar se Mbretëria e Bashkuar do të jetë gjithmonë një mishërim i lirisë dhe demokracisë për Kosovën dhe njerëzit.
“Përgëzoj Kryetarin e Partisë Konservatore të Mbretërisë së Bashkuar Kryeministri @BorisJohnson për fitoren elektorale. Mbretëria e Bashkuar do të mbetet gjithmonë një mishërim i lirisë dhe demokracisë për #Kosovën dhe njerëzit e saj, dhe ne mezi presim të avancojmë më tej lidhjet tona tradicionale të shkëlqyera.” ka shkruar Haradinaj.
Konservatorët arritën të merrnin 328 vende në Parlament, duke kaluar kështu kufirin e shumicës absolute. Një prognozë e institutit të opinionit, “Ipsos Mori” thotë, se në fund konservatorët mund të marrin 368 vende. Ky është rezultati më i mirë i konservatorëve që prej disa dekadash. /IndeksOnline/
I congratulate the Leader of the UK Conservative Party PM @BorisJohnson on the electoral victory. United Kingdom will always remain an epitome of freedom and democracy for #Kosovo and its people, and we look forward to further advance our traditionally excellent bonds. RH
— Ramush Haradinaj (@haradinajramush) December 13, 2019