Haradinaj përkujton Betejën e Koshares i veshur me bluzë ku duket Agim Ramadani (Foto)
Në Koshare sot mbahet tubimi përkujtimor, në kuadër të manifestimit tradicional ‘Ditët e Shqipes’ , për nder të Betejës së Koshares.
Beteja e Koshares është njëra ndër betejat më të lavdishme të Ushtrisë Çlirimtare të Kosovës. Triumfi i luftëtarëve nga mbarë trojet e Kosovës, të bashkuar në Brigadën 138, në krye të së cilës ishte komandanti Agim Ramadani, bëri që të shembet muri gati njëqindvjeqar i vënë në mes të Kosovës dhe Shqipërisë.
Betejën e Koshares sot ka përkujtuar edhe deputeti i AAK-së, Daut Haradinaj i cili ka thënë se 9 prilli është sinonim i rrëzimit të ushtrisë jugosllav,e transmeton Indeksonline.
Postimi i plotë:
Sot kujtojmë dhe nderojmë fillimin e betejës së Koshares në të cilen edhe protagonistët kryesorë ranë në fushën e nderit.
9 Prilli është sinonim i rrëzimit tē ushtrisë Jugosllave.
Respekt heronjve të Koshares.
DH