Haradinaj: Shqiptarët nuk kanë alternativë tjetër pos përcaktimit euro-atlantik

Kryeministri i vendit, Ramush Haradinaj ka thënë se interesi madhor i shqiptarëve të Maqedonisë, është përcaktimi për BE-në dhe NATO.

Me anë të një shkrimi në Facebook, ai u ka bërë thirrje të gjithë shqiptarëve në Maqedoni që masovikisht t’i përgjigjen pozitivisht referendumit të Marrëveshjes me Greqinë për emrin, transmeton Indeksonline.

Sipas tij, vota e tyre pro është manifestim historik për orientimin perëndimor të shqiptarëve.

Shkrimi i tij i plotë:

Interesi madhor i shqiptarëve të Maqedonisë, është përcaktimi për BE-në dhe NATO. Ju bëj thirrje të gjithë shqiptarëve në Maqedoni që sot, masovikisht dhe pa hezitim, t’i përgjigjen pozitivisht referendumit të Marrëveshjes me Greqinë për emrin. Vota e tyre pro është manifestim historik për orientimin perëndimor të shqiptarëve. Shqiptarët nuk kanë alternativë tjetër pos përcaktimit euro-atlantik.