15:26 / E Premte, 25 Shtator 2020

“Himni” i pandemisë/ Jerusalema, kënga që ndan shpresë

Një këngë nga Afrika e Jugut, e famshme në të gjithë botën dhe e mbështetur madje nga presidentë, është shndërruar tani në kolonën zanore të pandemisë për miliona njerëz në Afrikën e Jugut.

Javën e kaluar, sfida e kërcimit të Jerusalemës, u mbështet nga presidenti Cyril Ramaphosa në vazhdë të planeve të vendit për të rihapur turizmin më 1 tetor.

Kërcimi i thjeshtë rutinë, i hitit të 2019 Jerusalema, nga Master KG dhe Nomcebo Zikode, ka rezultuar një këngë që ngre moralin në kohë të vështira. Kënga ka kryesuar klasifikimet në afrikën e jugut në dhjetor, por në shkurt, kur izolimi nisi të shihej në horizont, një grup miqsh në Angola, xhiruan një video ku kërcenin nën tingujt e këngës duke ndezur një trend global.

Kjo u pasua nga një video tjetër në Portugali, duke nisur kështu ndërkombëtarizimin e sfidës. Tani, nën ritmet e saj, vijnë kërcime nga i gjithë globi, mes tyre murgesha, punëtorë ndërtimi, policë, kamarierë e të tjerë. Video emocionuese janë parë edhe nga punonjës të kujdesit shëndetësor në Afrikën e jugut, Zimbabve, Itali, republikën demokratike të Kongos, SHBA, Australi dhe Puerto Rico.

E padyshim ato janë bërë një burim shprese për pacientët në përballjen me covid 19. Koreografët në të gjithë botën kanë postura video udhëzuese ndërsa persona të famshëm si Kristiano Ronaldo dhe këngëtarja janet jackson, kanë postuar po ashtu performancat e tyre, të këngës që ka mbi 140 milionë shikime në youtube.