Hoxhaj: PDK’ja s’ka diskutuar kurrë për t’iu bashkuar Qeverisë Hoti

Anëtari i Kryesisë së Partisë Demokratike të Kosovës, Enver Hoxhaj, ka folur rreth zërave për përfshirjen e subjektit që ai përfaqëson në qeverinë e vendit.

Hoxhaj ka mohuar se në PDK është diskutuar për t’iu bashkëngjitur Lidhjes Demokratike të Kosovës, Aleancës për Ardhmërinë e Kosovës dhe Nismës Socialdemokrate në Qeverinë Hoti.

 “Nuk kemi diskutuar fare”, është shprehur Hoxhaj në emisionin “Pressing”, në televizionin T7.

“Nuk është shtruar asnjëherë në Kryesi”, ka bërë të ditur ish-ministri i Punëve të Jashtme.

“Është qëndrim i PDK’së që do të qëndrojë në opozitë”, ka thënë Hoxhaj.