Hungaria përdor çiftin e njohur në internet për një kampanjë dashurie

Një fushatë e re e qeverisë hungareze që promovon vlerat familjare, përmban një çift që sigurisht shumë nga ju e keni parë në internet.

Fushata përmban një foto të një çifti të ri mjaft të lumtur dhe me sa duket shumë në dashuri, që është në përputhje me mesazhin e qeverisë për vlerat tradicionale të familjes, shkruan IndeksOnline.

The happy couple gracing the Hungarian government’s campaign advertising its new family policy is already famous on the internet…and not for being madly in love. pic.twitter.com/wBljm6eiF7

— Valerie Hopkins (@VALERIEin140) March 13, 2019

Megjithatë, fotoja e tyre më herët tregonte deri diku të kundërten e asaj.

Çifti u bë i njohur në foton e “të dashurit të shpërqendruar”, që u përdorë në shumë meme tallëse.

Fotografia është marrë në vitin 2015 nga fotografja spanjolle Antonio Guillem dhe titulli i saj në faqen e imazhit është “Njeriu i pandershëm duke ecur me të dashurën e tij dhe duke u habitur me një vajzë tjetër joshëse”.

Qeveria hungareze është ‘nën zjarr’ për fushatën e saj së fundmi. Muajin e kaluar, Budapest nisi një fushatë të financuar nga tatimpaguesit që synonte Presidentin e Komisionit Europian Jean-Claude Juncker dhe biznesmenin hungarez-amerikan George Soros, duke akuzuar Brukselin për shtyrjen e planeve të migracionit që “kërcënojnë sigurinë e Hungarisë”.

Pas një reagimi të ashpër, qeveria hungareze tha se do t’i jepte fund fushatës kundër Brukselit më 15 mars. Reklamat që sulmuan Juncker dhe Soros ishin ende duke u shfaqur në kanalin televiziv ATV të mërkurën. /IndeksOnline/