Ibrahimovic mund të rikthehet në Evropë – klubi i tij i ri është befasi
Milani raportohet se është i interesuar në rikthimin e Zlatan Ibrahimovic, gjashtë vite pasi ai u largua nga klubi.
Sipas Corriere dello Sera, Milani është në kërkim të një opsioni të përshtatshëm për vijën e sulmit.
GAzeta në fjalë shkruan se trajneri, Gennaro Gattuso e ka pyetur lojtarin që të rikthehet pasi ka përvojë në Serie A, transmeton IndeksOnline.
”Rossonerët” shpresojnë që ta largojnë Ibrahimovicin nga Amerika para se kontrata e tij të skadojë në dhjetor të vitit 2019.
Tutje, raportohet se Milani është duke përgatitur ofertë për të deri në fund të sezonit, derisa familja e suedezit gjithnjë është ndjerë mirë në Milano.
Një lëvizje e mundshme mund t’i rregullonte edhe raportet mes Milanit dhe Mino Raiola, pas disa mosmarrëveshjeve kohëve të fundit./IndeksOnline/