Infektohen me Covid-19, një mësimdhënës dhe një punëtor teknik në gjimnazin e Fushë-Kosovës, mësimi vazhdon normalisht
Një mësimdhënës dhe një punëtor teknik në gjimnazin “Hivzi Sylejmani”, në Fushë-Kosovë, kanë rezultuar pozitiv me Covid-19, raporton IndeksOInline.
Lajmin për IndeksOnlinen e ka konfirmuar drejtori i Arsimit në këtë komunë Islam Shabani.
Ai ka treguar se lajmin se ata rezultojnë pozitivë e kanë marrë në orët e pasdites, saktësisht në orën 22:00 dhe menjëherë ata janë vetizoluar.
“Mbrëmë e kemi marrë informacionin, në orë 22:00 me kanë shkruar, i kam dërguar në shtëpi dhe i kam zëvendësuar me dy arsimtarë të tjerë. Gjendja e tyre është stabile dhe kanë simptoma shumë të dobëta. Mirëpo duke i përfillur këshillat e institutit ata janë vetizoluar”, theksoi drejtori Shabani për IndeksOnline.
Ai ka mohuar se do të ndalin procesin mësimorë, meqë të gjithë arsimtarët e tjerë kanë rezultuar negativ, ani pse shfrytëzojnë të njëjtë sallë./IndeksOnline/