Instagram me risi në publikimin e storieve

Aplikacioni për ndarjen e fotografive Instagram po punon për një përditësim interesant që do ta bënte argëtim postimin e storieve. 

Përdoruesit e Instagramit janë ankuar gjithmonë se nuk mund të postojnë Stories më të gjata pa u ndarë klipet. 

Megjithatë, tani Instagram po përpiqet të zgjidhë problemin. Së shpejti aplikacioni do t’i lejojë përdoruesit të postojnë video 60 sekondëshe si Stories.

Eksperti i mediave sociale Matt Navarra postoi në Twitter në lidhje me veçorinë e ardhshme të Instagramit. Ai tha se Instagram po teston segmente të storieve më të gjata, deri në 60 sekonda. 

Sipas IT, Instagram thuhet se po teston funksionin me një grup të përzgjedhur përdoruesish.

Aktualisht, nëse përpiqeni të postoni video më të gjata se 15 sekonda, videoja do të ndahet automatikisht në storie të ndryshme. E thyen rrjedhën dhe nuk është shumë e këndshme për t’u parë. 

Përdoruesit i shijojnë më shumë videot kur ato nuk janë të ndara në pjesë. Nëse Instagram nxjerr funksionin, përdoruesit do të mund të postojnë video 60 sekonda.