Inzaghi flet një ditë para ndeshjes me Sampdorian, përmend edhe Muriqin

Nesër me fillim nga ora 18:00 do të zhvillohet takimi ndërmjet Sampdorias dhe Lazios, duel ky në kuadër të xhiros së katërt në Serie A.

Para kësaj ndeshje të rëndësishme, për media ka folur edhe tekniku i Lazios, Simone Inzaghi, ku tha se do të jetë një takim sfidues, por se ai beson në prurjet e reja me Hoedt dhe Muriqi, shkruan IndeksOnline

“Për momentin mendoj vetëm për Sampdoria, një ndeshje sfiduese kundër një kundërshtari të shkëlqyer, i udhëhequr nga një trajner si Ranieri, i cili nuk ka nevojë për prezantim. Ne do të duhet të bëjmë një provë të shkëlqyeshme. Keita dhe Candreva? Unë jam i lidhur me ta, ata kanë bërë zgjedhje të ndryshme, por do t’i shohin me shumë kënaqësi.

“Për momentin kemi disa probleme në pjesën e jashtme, me Patricin dhe Parolo kam mbajtur takime. Në blerjet e reja gjeta disponueshmëri të madhe, veçanërisht te Hoedt dhe Muriqi. Kompania dhe unë kemi bërë zgjedhje, bazuar edhe në atë që ofron tregu. Jam i sigurt që Hoedt do të bëjë shumë mirë “, tha Inzaghi.