Ja çfarë po i ndodhë njeriut që thuhet se shtyu Trump-in drejt idesë së ndarjes së fëmijëve nga prindërit (Foto)

Lajmi që shokoj thuajse gjithë botën ishte ideja që presidenti Donald Trump të marrë vendim të ndajë familjet emigrante në kufirin amerikan.

Ndarja e fëmijëve nga prindërit e tyre në kufi ka çuar në kushte shqetësuese në mjediset e ndalimit-tinguj të fëmijëve që bërtitnin pasi u morën nga prindërit e tyre dhe raportet e adoleshentëve që kërkojnë të ndryshojnë pelenat e të vegjëlve po nxisin protestë në të gjitha rrjetet sociale.

Këshilltari i lartë i politikës së Donald Trump, Stephen Miller thuhet se ka qenë një nga forcat kryesore drejtuese pas vendimit për të zbatuar politikën çnjerëzore. Por Miller ka thënë se ishte një vendim i thjeshtë për t’u marrë dhe se askush nuk është përjashtuar nga ligji i imigracionit.

Ndërsa Sekretari i Sigurisë së Atdheut, Kirsten Nielsen mbrojti praktikën gjatë një konferencë për media të Shtëpisë së Bardhë, ku Miller ishte ulur. Por të gjitha ndryshuan të mërkurën kur dikush publikoi numrin e tij personal të tij të telefonit.

Me sa duket, telefoni i Millerit është i zënë ose i dikur sepse njerëzit kanë probleme duke e thirrur atë. Megjithatë, ju mund t’i shkruani atij për të ditur se çfarë mendoni për politikën brutale që ai ka shtyrë. Dhe shumë njerëz tashmë e kanë bërë atë.

“Vetëm një përbindësh mund të ndajë fëmijët nga familja”, ishte një nga mesazhet.

Dikush i ka dërguar edhe linqe të fëmijëve që qanin pas ndarjes duke e pyetur se a e ka parë.

“Nacionaliteti yt i bardhë nuk ka vend në shoqërinë tonë. Historia do të ju kujtojë si asgjë më tepër se përbindësh”, shkruan dikush tjetër.

Mesazhet ishin të shumta, nga ato që janë publikuar. Ndryshe mbrëmë vonë, Donald Trump nënshkroi urdhrin ekzekutiv për mbajtjen familjeve së bashku.

“Ne jemi duke mbajtur familjet së bashku”, tha Trump nga Zyra Ovale pasi nënshkroi dokumentin.

Trump përgjatë kësaj kohe kishte presion të vazhdueshëm edhe nga bashkëshortja e tij dhe vajza, Ivanka në mënyrë që të mos vendos një rregull të tillë për ndarjen e fëmijëve nga familjet./Indeksonline/