Jehona Lushaku: Favorit për Prizrenin është Shaqir Totaj

Ligjëruesja e UP-së, Jehona Lushaku, lidhur me debatin për Prizrenin në Magazina Lokale në Klan Kosova, tha se janë prezantuar shumë pika përmbajtësore, njofton Klan Kosova.

“Debati fokusohej në programet e dy kandidatëve, ku kandidati i Vetëvendosjes, Mytaher Haskuka është munduar që të spikasë dobësitë e qeverisë së kaluar”.

Ndërsa sipas Lushakut kandidati i PDK-së për të parin e Prizrenit, Sahqir Totaj dëshironte të bënte dallueshmërinë.

“Haskuka prezantoi pikat e tij prioritare në një shumicë të kohës i lidhte me dështimet e qeverisë së kaluar”, ka thënë Lushaku.

Lushaku theksoi se si favorit në garën për Prizrenin është kandidati i PDK-së, Shaqir Totaj, kjo duke u bazuar te diferenca e votave me kundërkandidatin e tij.