Kadri Veseli thyen heshtjen pas vendimit të Kushtetueses: Doli skenari i paramenduar i VV-së

Kadri Veseli ka thyer heshtjen pas vendimit të Gjykatës Kushtetuese.

I pari i PDK-së ka thënë se ky proces ka qenë skenar i paramenduar i VV-së.

“Një vendim i pritur nga Gjykata Kushtetuese, i cili në bazë ka vitin 2014 kur VLAN tentoi ta deformonte vullnetin qytetar.

Refuzimi i LVV-së për ta dërguar te Presidenti i vendit, për herë të dytë, emrin e mandatarit për Kryeministër, ka imponuar këtë vendim të drejtë të Gjykatës Kushtetuese.

LVV tashmë është brenda skenarit të saj të paramenduar. Dëshiroi ta evitonte mundësinë për të qeverisur, me shpresë se do të përfitonte më shumë duke manipuluar me emocionin qytetar.

Tani, demokracia e Kosovës është në momente vendimtare, ashtu siç është edhe e ardhmja e shtetit” shkruan Veseli në Facebook./Indeksonline/