‘Kallen’ zviceranët, Nedim Bajrami zgjedh ‘Kuqezinjtë’ para Zvicrës
Vetëm pak ditë para fillimit të Kampionatit Europian në gurpmoshat U21, ylli i Empolit, Nedim Bajrami, ka hedhur poshtë mundësinë për të qenë pjesë e Kombëtares së Zvicrës.
Ylli i Empolit ka refuzuar zviceranët për Kombëtaren e Shqipërisë, shkruan IndeksOnline.
Këtë e konfirmoi edhe trajneri Mauro Lustrinelli.
“Ne kemi punuar shumë për ta marrë Nedimin. Ne u përpoqëm ta bindnim që ai të luajë për Zvicrën. Por, më pas na tregoi se zemra i rrah më shumë për Shqipërinë!”, ka thënë Lustrinelli
Bajrami, 22-vjeçar ka pasaportë maqedonase dhe është i lindur në Tetovë.
Ai para transferimit në Itali tek Empoli, kishte luajtur në Kampionatin e Zvicrës, në ekipin e Grasshoppersit./IndeksOnline/