Kishte probleme me ekuilibrin, vogëlushja diagnostikohet me tumor në tru

Një nënë ka zbuluar se vajza e saj po vuante nga një trumor në tru.

Shelley Dunlop , 30- vjecare nga Dorseti tregoi se ajo hoqi dorë nga përpjekja për ta mësuar vajzën e saj Annabelle Ginn ta ngiste biçikletën.

“Ne e bëmë më të mirën për ta mësuar atë në biçikletë, por nuk ia dolëm sepse ekuilibri i saj ishte i keq. Ajo vazhdimisht rrëzohej”, tha nëna e vajzës.

Kështu, një ditë Annabelle ra nga shtrati i saj dhe tri ditë më vonë filloi të kishte dhembje koke dhe të vjella.

Pas skanimit, u zbulua se kishte një tumor në tru me madhësi të një topi të tenisit.

Mjekët i thanë nënës se ajo vazhdimisht po rritet dhe është arsyeja që ajo ka probleme me ekuilibrin.

Shelley tha: “Falemindërit Zotit që Annabelle ra nga shtrati dhe u zbulua që ka tumor, kështu jeta e saj do të shpëtohet”.

Kështu vogëlushja iu nënshtrua një operacioni i cili zgjati 10 orë dhe ajo ishte në spital për një muaj.

Tetë muaj më vonë, ajo kishte të meta në anën e majtë dhe iu dëmtua shikimi në syrin e majtë, por kjo nuk e ndaloi që ajo të mos i ndiqte mësimet.

Nëna e vajzës tha se nëse do t’ishte diagnostikuar më herët,  tumori i saj nuk do t’ishte rritur aq i madh sa të shkaktonte aq shumë dëme.

Përvoja e Annabelles thekson sesi simptomat si problemet e ekuilibrit mund të jenë një shenjë paralajmëruese e një tumori në tru, veçanërisht kur lidhen me simptoma të tjera si dhembje koke të vazhdueshme dhe të vjella./Indeksonline/