Kosnett reagon ndaj ligjit të PDK-së për vlerat e UÇK-së, të përkrahur nga Qeveria Hoti
Partia Demokratike e Kosovës mori iniciativë për Ligjin rreth Mbrojtjes së Vlerave të Luftës së UÇK-së, por nismë s’po i pëlqen Ambasadës së SHBA-ve në Kosovë.
Në një postim në Twitter, Ambasadori amerikan në Prishtinë, Philip Kosnett, ka thënë se ligji i propozuar është mënyrë e gabuar, i cili kriminalizon lirinë e shprehjes.
“Ligji e kriminalizon lirinë e shprehjes, frikëson qytetarët dhe është i kushtueshëm. Ligji largon nga përpjekjet praktike për ta kuptuar dhe mësuar historinë e Kosovës. Kur do t’i shohim partitë që të rifokusojnë energjitë e tyre në ekonomi dhe në COVID-19”, thuhet në reagim.
Kujtojmë se i njëjti projektligj ishte propozuar nga PDK në prill të këtij viti, derisa mori edhe përkrahje nga qeveria e drejtuar nga Avdullah Hoti, e cila u procedua për në Kuvend.
Kryesia e Kuvendit të Kosovës, ka proceduar me këtë projektligj dhe ai tash i dërgohet komisionit funksional, që në këtë rast është Komisioni për Arsim, Shkencë, Teknologji, Kulturë, Rini dhe Inovacion.