Kosova duhej të propozonte një draft-statut qysh në janar, tani drafti “serb” është i vetmi në tavolinë

Shkruan, AVNI ARIFI

Çdo ditë e më shumë po qartësohet procesi i ndërtimit të asociacionit. Ekipi Menaxhues (lexo Serbia) ka propozuar një draft-statut që e bënë AKS një minishtet në shtet edhe pse ata janë të vetëdijshëm që kjo nuk ka kalon as te BE/SHBA e as te Kosova. Kosova në anën tjetër ka propozuar një kurrgjë prej parimesh në vend se të propozonte një draft statut qysh në janar.

Strategjia e BE-së po duket se është: “Statuti i Ekipit Menaxhues do të ‘qethet’ pak dhe do të inkorporohen disa ‘parime’ të Albin Kurtit dhe ky është produkti final që do të mbështetet edhe nga BE-ja edhe nga SHBA-ja”.Strategjia e Ekipit Menaxhues nuk ka qenë kurrë aprovimi i statutit të propozuar në formën e propozuar.

Strategjia e tyre ka qenë që ai të jetë bazë e bisedimeve të mëtutjeshme dhe në bazë të asaj çka po duket, këtë e kanë arritur me shumë sukses. Statuti i propozuar është i vetmi dokument në shqyrtim dhe e vërteta e hidhur është se kurrë nuk do të jetë marrëveshje e mirë për Kosovën nëse punohet mbi këtë dokument.

Qeveria e Kosovës e relaksuar se marrëveshjen e ASK nuk e ka nënshkruar vetë, shpëtimin ende e kërkon te ata që e kanë nënshkruar marrëveshjen e Brukselit. Këtu është duke bërë gabimin kardinal sepse drafti i propozuar po e trason rrugën që të kemi një produkt final shumë më të keq se ai i 2013/2015.1) Nuk i ka dhënë korniza kushtetuese grupit menaxherial për hartimin e statutit dhe kjo do të ishte jetike për vlerësimin e dokumentit të propozuar2) Nuk e ka hedhë poshtë në “tërësi” statutin e EM, por në kundërshtim me marrëveshjen e Brukselit dhe pas asnjë koordinim me ndërkombëtarët e ka shkarkuar EM të cilin sigurt prapë do ta pranojë në tavolinë3) Nuk ka prodhuar kurrë statut por vetëm “parime” e në Kosovën e pasluftës ata që flasin për parime është dëshmuar që “send” s’kanë4) Vazhdon me parulla populliste se këtë e pranojmë e këtë se pranojmë thua ti se bota sillet rreth tyre e në fakt përveç elektoratit të tyre asnjë aleat në kauzë nga bota e civilizuar nuk e kanë. Vazhdojnë elektoratit të tyre të i shpërlajnë trurin se “vetëmenaxhimi” nuk është “Zajednicë”5) Deklarata e Konjufcës është paralajmërim se Kosova është kah luan shumë dobët në negociata, po shkon drejt barrikadimit dhe konfrontimit politik me krejt aleatët tanë.

Në vitin 2006 ishte Serbia që kërcënoi Grupin e Kontaktit (SHBA, Britani e Madhe, Gjermani, Francë, Itali dhe Rusi) se do të i bojkotonte bisedimet për statusin e Kosovës dhe përgjigja e GK ishte: Nuk ju obligojmë e as detyrojmë të merrni pjesë në dialog. Nëse nuk merrni pjesë ju, negociatat dhe marrëveshjen do ta bëjmë vetëm me palën kosovare. Është zgjedhja juaj”.