Kosova e nisi mbarë në Ligën e Kombeve – testi i radhës quhet Malta
Kombëtarja e Kosovës e ka nisur mbarë aventurën e re në Ligën e Kombeve.
Në dy ndeshjet e para, kosovarët kanë regjistruar katër pikë – një fitore dhe një barazim.
Me fitoren e fundit ndaj Ishujve Faroe, Kosova është lidere e Ligës D, në Grupin 3.
Ndërsa, kundërshtarja e radhës së Kosovës, Malta, është në formë më të dobët, teksa renditet në vendin e fundit, pas Kosovës, Azerbajxhanit dhe Ishujve Faroe, shkruan IndeksOnline.
Kosova dhe Malta nuk janë përballur kurrë ndërmjet vete dhe kështu në ”Fadil Vokrri” na pret një ndeshje mjaft interesante.
Herën e fundit, Kosova priti Ishujt Faroe në Prishtinë, ku shkroi historinë, duke regjistruar fitoren e parë kompetitive.
Ndeshja e parë ishte fatkeqe për Maltën – maltezët u mposhtën në fillim nga Ishujt Faroe, ndërsa më pas barazuan, 1-1 me Azerbajxhanin.
Të dielën, Ishujt Faroe janë nikoqir i Kosovës, teksa Malta i shkon Azerbajxhanit në Baku./IndeksOnline/