Kosova synon ta shkruajë historinë sonte në Torshavn
Kosova e ka nisur mbarë aventurën në Ligën e Kombeve, në kompeticionin e ri të UEFA-s.
Në grupin 3, Liga D, Kosova ka kundërshtarë vendet si Malta, Ishujt Faroe dhe Azerbajxhani.
Nga tri përballje të zhvilluara deri më tani, djelmoshat e Bernard Challandes kanë arritur dy fitore dhe një barazim, transmeton IdneksOnline.
Me këto rezultate, Kosova e sheh vendin e parë në grupin e vet me 7 pikë të grumbulluara.
Sonte, Kosova përballet me Ishujt Faroe në Torshavn në ndeshjen e dytë si mysafir në këtë kompeticion.
Në ndeshjen e parë si mysafir, Kosova u përballë me Azerbajxhanin në Baku, ku barazoi pa gola, 0-0.
Ndërsa, sonte Kosova sonte synon ta shkruajë historinë dhe ta shënojë fitoren e parë si mysafir në një ndeshje kompetitive./IndeksOnline/