Kosovarët ‘ndëshkojnë’ Shqipërinë, ia mësyjnë për vikend Maqedonisë (Foto)

Kolona të gjatë të  veturave janë krijuar në kufirin Kosovë-Maqedonisë, respektivisht në pikën kufitare në Han të Elezit.

Përzgjedhja e kosovarëve për ta kaluar vikendin në Shkup dhe vende të tjera erdhi si pasojë e vendimit të qeverisë së Edi Ramës për taksën marramendëse të vendosur në “Rrugën e Kombit”.

Përpos veturave të shumta, Indeksonline mëson se mbi 20 autobusë të linjës për Shqipëri ia kanë mësyrë kësaj pike kufitare.

Ndryshe, tarifat e miratuara janë 5 euro për çdo kalim, për veturat e vogla dhe 10 euro për autobusët dhe kamionët.

Ky vendim ka hasur në kundërshti të shumta sidomos nga ana e banorëve të Kukësit dhe zonave përreth, të cilët e përdorin më shpesh rrugën. /Indeksonline/