Kozniku për Bllazheviqin: Shefi im, faleminderit për gjithçka
Ardian Kozniku e ka marrë me pikëllim lajmin për vdekjen e legjendës kroate, Qiro Bllazheviq.
Ish-futbollisti i njohur kosovar kishte punuar me selektorin e dikurshëm të Kroacisë, me të cilin e kishin fituar medaljen e bronztë në Botërorin 1998.
E Kozniku ka kujtime shumë të mira me Bllazheviqin, i cili ndërroi jetë sot në mëngjes, një ditë pa i mbushur 88 vjet.
Trajneri kosovar e ka bërë një postim në rrjetet sociale, përmes së cilit e ka kujtuar ish-trajnerin legjendar të Prishtinës.
“Shefi im, faleminderit për gjithçka. Pusho në paqen e Zotit”, ka shkruar Kozniku.