Albanian
English
Serbian
TurkishKrasniqi: S’do të ndahesha kurrë nga PDK për sharjet që mi kanë bërë, ato s’janë problem
Ish-kryetari i Parlamentit të Kosovës, tani anëtari i partisë NISMA, Jakup Krasniqi ka reaguar në lidhje me zhvillimet e fundit në Lëvizjen Vetëvendosje.
Për të shprehur mendimin e tij Krasniqi përdori profilin e tij në Facebook, ku shkroi se sharjet nuk janë problem as zgjidhje.
Ja postimi i tij i plotë:
Është mjeshtri ta kontrollosh situatën e dalë jashtë kontrollit!
Sot një medie u përpoq që sharjet që me ishin bërë mua vite më parë t’i lidhte me fjalën e pa kendshme të deputetës Aida.
Nuk mendoj që sharjet prapa shpine janë problemi që meriton trajtuar. Problemi real janë shkaqet e problemet tjera që kanë substancë politike të pakapërcyshme, e të cilat nuk mund të mbulohen me një sharje. Sharja mund të jetë një shkas, që mund të shërbëjë për t’i mbuluar arsyet reale që kanë histori.
Për sharjet tinzare e prapa shpine, që mi kanë bërë, kurrë, kurrë nuk do të ndahesha nga PDK. Se tek e fundit edhe unë mund t’ua futsha një të sharë para sysh! Por, sharjet nuk janë as problemi e as zgjidhja!
Ajo që zakonisht vjen pas sharjeve, është fytyra e vërtetë e çakejve të ndersyer! Që nuk është e lehtë të kontrollohet.
Runu nga kjo pa edukatë e akulturë e komunikimit denigrues në rrjetet jo sociale, (anipse ato quhen sociale), se në fund askush nuk fiton! E më se paku fitojnë qytetarët e Kosovës!
Është mjeshtri e madhe nëse dikush mund ta menagjoj ketë situatë të dalë jashtë kontrollit!
Problemet kanë substancë tjetër! Mediet profesionale duhet ta kerkojnë problemin aty ku ai fshihet!
E përserisë, sharja sido që të jetë, nuk është problemi!
