Kryetari i Lipjanit bëri 72 premtime e deri tani ka realizuar vetëm 28
Instituti GAP ka publikuar në platformën elektronike “Letërnjoftimi i Komunave” progresin e kryetarëve të komunave në përmbushjen e premtimeve të dhëna në zgjedhjet e fundit lokale të vitit 2017. Platforma është rifreskuar me informataqë përmbledhë të dhëna nga fillimi i këtij mandati deri në muajin dhjetor të vitit 2019, përkatësisht gjysma e mandatit të kryetarëve aktual të komunave.
Nga gjithsej 903 premtime të evidentuara nga Instituti GAP, deri në muajin dhjetor 2019, komunat kanë përmbushur 304 premtime, 171 premtime rezultojnë gjysmë të përmbushura, 233 premtime kanë filluar të përmbushen ose ka nisma në përmbushjen e tyre, ndërsa për 195 premtime nuk është evidentuar ndonjë nismë komunale në përmbushjen e tyre.
Kryetari i Komunës së Lipjanit, Imri Ahmeti, nga radhët e LDK-së, nga 72 premtimet e bëra, vetëm 28 i ka realizuar, 17 gjysmë të përmbushura, 11 të filluara e 16 as që i ka nisur, përcjellë Indeksonline.
Deri tashti Ahmeti ka realizuar këto premtime:
Renovimi dhe instalimi i ngrohjes qendrore në shkollën fillore në fshatin Smallushë
Përfshirjen e shërbimeve të psikologut dhe pedagogut në të gjitha shkollat e komunës
Aktualisht, janë pesë psikologe dhe një logopedë, që kryejnë shërbimet për të gjitha shkollat.
Rifunksionalizmi i zonës ekonomike të QMI-së përmes investitorëve të rijnë për pronat të cilat kanë mbetur djerrinë
Licencimi dhe funksionalizimi i zonës ekonomike, në pjesën veriore të qytetit përkatësisht në zonën e Banullës për agrobiznese, brenda mandatit katër vjeçar
Zona Ekonomike në Banullë është aprovuar nga Kuvendi Komunal.
Përmes procedurave ligjore ka filluar ndërtimi i një fabrike, nga një biznes
përfitues.
Licencimi dhe funksionalizimi i zonës ekonomike në pjesën veriore të qytetit përkatësisht në zonën e Babushit për biznese shërbyese, brenda mandatit katër vjeça
Mirëmbajtja e lumenjëve
Rritja e sipërfaqeve të rregulluara publike.
Ndërtimi i rrugës përgjatë brezit të hekurudhës ndërmjet magjistrales Prishtinë – Prizren deri të rruga e Gllogocit;
Fasadimi i ndërtesave kolektive në shesh dhe në ndërtesat tjera kolektive të qytetit;
Ndërtimi i tubacioneve për derdhjen e ujërave të zeza nga rrjetet e kanalizimeve të disa vendbanimeve të Komunës së Lipjanit
Zgjerimi i rrjetit të kanalizimit në fshatin Janjevë;
Ndërtimi i rrugës së re transit nga rruga regjionale e Gjilanit – Gadime e Epërme deri në magjistralen Prishtinë – Ferizaj;
Ndërtimi i infrastrukturës së shkollës në fshatin Hallaq i Vogël;
Ndërtimi i një fushe të hapur sportive në shkollën “Vëllezërit Frashëri” në Lipjan
Renovimi i sallës se sporteve në fshatin Gadime
Instalimi i rrjetit të ujësjellësit në fshatin Vrellë
Organizimi i festivalit “Lipjani këndon”
Funksionalizimi i Qendrës Kulturore “Tahir Sinani” në Lipjan
Funksionalizimi i Shtëpisë Muze të “Atë Shtjefën Gjeçovit”
Renovimi i QMF në fshatin Janjevë
Miratimi i një dokumenti strategjik për menaxhimin e pronave komunale
Publikimi i listës se plotë të pronave komunale ku mund të investohet nga sektori privat
Dislokimi dhe ndërtimi i tregut të ri të gjelbër dhe tregut të ri të kafshëve
Instalimi i kamerave të sigurisë në rrugët e qytetit
Ndërtimi i objekteve të banimit për kategoritë e luftës së UÇK-së dhe për kategoritë sociale