Kryetarja e Gjykatës së Prishtinës në listën e veteranëve të rrejshëm

Emri i Afërdita Bytyqit, kryetares së Gjykatës Themelore të Prishtinës, gjendet në listën e veteranëve mashtrues. Gjykata që ajo udhëheqë pritet t’i gjykojë dhe t’i dënojë të gjithë ata persona që rrejshëm kanë marrë pensione si veteran

Rasti i Bytyqit mund të mos gjykohet nga Gjykata Themelore e Prishtinës, për shkak të dyshimeve se gjykimi i saj mund të jetë i një anshëm.

Në listat e publikuar së fundi nga mediat kanë dalur edhe persona tjerë që kanë marrë pjesë në luftë, e që bëjnë pjesë të veteranët që kanë përfituar pensione kundërligjshëm.

Në mesin e tyre janë edhe deputetët e AAK-së, Bekë Berisha, Time Kadriaj e Shkumbin Demaliaj. Në lidhje me futjen e këtyre emrave në këto lista, ka reaguar para dy ditësh edhe ish-prokurori Blakaj.

 

Ai ka thënë se rreth 2 mijë persona janë shtuar për dallim nga aktakuza që e ka përpiluar ai.

Për fryrjen e listës së veteranëve, prokuroria ka ngritur aktakuzë ndaj anëtarëve të komisionit për verifikimin e veteranëve. Kësaj liste i prinë ish-kryeministri, Agim Çeku dhe 11 persona të tjerë.