KUR TI TË VISH
Shkruan, Remzi Fetahaj
(Kushtuar dëshmorit të Kombit, Izet R. Shatri)
(Prindërit)
Kur ti të vish…
Na e sjell uratën, bir!
Të çmallemi njëherë me ma t’mirën
lindje!
(Gruaja)
Kur ti të vish…
Na e sjell dritën, i dashur!
Të nxjerrim nga heshtja ma t‘bardhin
kujtim!
(Motra dhe vëllezërit)
Kur ti të vish…
Na e sjell shpirtin, vëlla!
Të shuajmë me nder atë etjen
tënde!
(Vajza)
Eh…!
Kur ti të vish…
Na e sjell dhe artin, baba!
Të luajmë me klarinetë për ma t‘bukurën vdekje!
(Remzi H. Fetahaj)