Kushërinjtë rrahën për pronë, arrestohen shtatë të dyshuar

Janë arrestuar shtatë persona në Barilevë të Prishtinës, kushërinj në mes vete, të cilët pas një mosmarrëveshje rreth një prone janë rrahur në mes vete.

Njëri prej të dyshuarve ka përdorur armën e zjarrit duke shtënë në ajër, ndaj të cilit me vendimin e gjyqtarit të procedurës paraprake i është kontrolluar shtëpia, me ç’rast i dyshuari vullnetarisht dorëzon një armë zjarri – revole modeli 70, cal.7.65, me një karikator me dy fishekë.

Si pasojë e rrahjes lëndime trupore dhe tretman mjekësor kanë marrë tre të dyshuar, transmeton Indeksonline.

Pas intervistimit me vendimin e prokurorit, katër të dyshuar dërgohen në qendrën e mbajtjes, kurse tre të dyshuar lirohen./Indeksonline/