Ky është i dyshuari që plagosi 2 persona sonte në Podujevë, policia në kërkim të tij

2 persona u plagosën sonte në qendër të Podujevës, teksa i dyshuari është në kërkim të policisë.

IndeksOnline ka raportuar ekskluzivisht mbi këtë ngjarje, që ndodhi në rrugën “Zahir Pajaziti”, ku zbuloi edhe detaje mbi të dyshuarin, i njohur me nofkën si Ciprra.

IndeksOnline sjellë fotografinë e  të dyshuarit, i cili pasi plagosi 2 persona u përlesh me armë zjarri edhe me policinë.

Bëhet fjalë për B.H i cili në qershor të këtij viti plagosi po ashtu një person në rrugën “19 Qershori” po në Podujevë, e që s’arriti të kapet nga policia për këtë vepër. Ndërsa i njëjti ishte liruar nga burgu 7 muaj më parë.

Ndryshe, rastin e sontëm e ka konfirmuar edhe Policia e Kosovës.

“Sot rreth orës 20:00, policia ka marrë informacionin për plagosje me armë zjarri në rrugë “Zahir Pajaziti” në Podujevë.

Bazuar në të dhënat fillestare dyshohet se nga personi i dyshuar (i njohur për policinë) janë plagosur 2 persona. Të njëtit janë dërguar për tretman mjekësor.

Menjëherë pas marrjes së këtij informacioni policia ka dale në vendin e ngjarjes dhe eshte vënë në ndjekje të personit të dyshuar i cili në ikje e sipër ka shtënë edhe në drejtim të zyrtarëve policor të cilët detyrimisht i jane pergjigjur në menyrën e njëjtë”, ka thënë për IndeksOnline, Flora Ahmeti, zëdhënëse e Policisë në Rajonin e Prishtinës.

Aktualisht hetuesit policor janë në kërkim të personit të dyshuar si dhe sqarimin e të gjitha rrethanave që lidhen me rastin.